Një ngjarje tronditëse ka ndodhur në Milwaukee, ku një 20-vjeçar, Jalin White, ka pranuar se ka hedhur djalin e tij 8-muajsh në mur gjatë një shpërthimi nga nervat të shkaktuar nga një videolojë basketbolli.
Sipas autoriteteve, White u nervozua kur po luante një lojë të NBA 2K dhe, në një moment nervozizmi, hodhi foshnjën e tij drejt murit. Në raportin e policisë thuhet se ai po mbante fëmijën në krahë ndërsa luante lojën dhe u nervozua nga humbja me dy pikë në çerekun e katërt të ndeshjes virtuale.
Foshnja, e cila është aktualisht në spital, nuk pritet të mbijetojë, gjë që mund të çojë në ngritjen e akuzave për vrasje ndaj White. Fëmija ishte nën kujdesin e babait, pasi nëna e tij ndodhej jashtë shtëpisë atë moment.
Ngjarja ka nxitur zemërim të madh, duke bërë që shumë njerëz të diskutojnë rëndësinë e kontrollit të emocioneve dhe përgjegjësinë që prindërit kanë për sigurinë e fëmijëve të tyre. Rasti vazhdon të hetohet nga autoritetet lokale.
