Një video në TikTok është bërë virale, duke treguar një burrë që ngjan shumë me Ryan Borgwardt, një baba nga Wisconsin i cili u akuzua për inskenimin e vdekjes së tij në gusht të këtij viti.
Borgwardt u raportua i zhdukur pas një udhëtimi me kajak, por autoritetet tani dyshojnë se ai e kishte planifikuar zhdukjen për t’u arratisur në Evropë. Sipas hetimeve, ai ka pasur kontakte me një grua nga Uzbekistani.
Videoja, e cila është xhiruar në qershor nga krijuesi i përmbajtjes Baylee Boomhower nga San Diego, tregon një burrë me biçikletë duke bërë një pyetje të pazakontë: nëse duhet të udhëtojë në Uzbekistan për të takuar një grua, pavarësisht se është i martuar.
Fillimisht, autoritetet e hodhën poshtë mundësinë që personi në video të jetë Borgwardt, por tani çështja është duke u hetuar më thellë, në bashkëpunim me FBI-në.
