Gjatë spektaklit të mbrëmjes së djeshme në “Big Brother VIP Kosova,” banori Mevlan Shaba ndau një rrëfim prekës që përfshinte sfidat e jetës së tij, fëmijërinë e vështirë, sakrificat e familjes, dhe përvojat e tij jashtë vendit.
Ai foli me sinqeritet edhe për betejën e tij me depresionin, duke treguar se këto përvoja të vështira e kanë formuar atë si person.
Një moment veçanërisht emocionues ishte kur Mevlani zbuloi për publikun se tashmë është në një lidhje dashurie me një person që nuk është i njohur për publikun, një dëshirë që ai e ka pasur prej kohësh për të ruajtur privatësinë e tij.
Partnerja e tij e surprizoi gjatë spektaklit, duke ardhur për t’i dhënë një mesazh të veçantë dhe për të ndarë lajmin e gëzueshëm se ata presin fëmijën e tyre të parë.
“Jam shumë e lumtur që gjeta njeriun e zemrës,” tha ajo, duke shprehur dashurinë e saj për Mevlanin.
Çifti vendosi të mos zbulojë ende gjininë e foshnjës, duke thënë se është ende herët për një lajm të tillë.
