Në vitin 1993, një burrë nga Misuri, SHBA, u përfshi në një nga incidentet më të çuditshme të lidhura me përmbytjet në vend.
James Scott, i cili kishte një histori kriminale, dëmtoi një digë për të përmbytur 14,000 hektarë tokë përgjatë lumit Misisipi, që sipas tij do të pengonte kthimin në shtëpi të gruas së tij, duke i dhënë atij mundësinë të vazhdonte festimet pa ndërprerje me miqtë e tij.
Incidenti u zhvillua në qytetin Quincy, ku autoritetet dhe banorët lokalë po punonin për të forcuar digën me qese rëre për të parandaluar përmbytjet nga niveli i lartë i lumit. Sidoqoftë, pasi u raportua se diku afër orës 8 të mbrëmjes, më 16 korrik, dëmtohet diga, çka shkaktoi përmbytjen masive, James Scott u bë objekt i një hetimi të hollësishëm.
Dëshmitarët dhe miqtë e tij treguan se Scott kishte shprehur qëllimin për të ndaluar gruan të vinte në shtëpi, në mënyrë që të vazhdonte festimet dhe të pinte me miqtë e tij. Ky informacion, bashkë me deklaratat e tij kontradiktore, e çuan në një gjyq që përfundoi me dënimin e tij me burgim të përjetshëm.
Ky rast ka mbetur një shembull i çuditshëm dhe i diskutueshëm për shkak të mungesës së provave të forta fizike, por rrethanat dhe dëshmitë e dëgjuara në gjyq u përdorën për të ndërtuar një argument të fortë kundër tij, edhe pse Scott vazhdon të mohojë përfshirjen e tij në prishjen e digës dhe thotë se ishte atje për të ndihmuar komunitetin.
