Një aksident tragjik ka ndodhur sot në aksin rrugor Peqin-Elbasan, ku një fëmijë 10-vjeçar ka humbur jetën si pasojë e përplasjes nga një automjet.
Ngjarja ndodhi në fshatin Pajovë rreth orës 14:00 dhe përfshiu dy automjete. Pas përplasjes, njëri nga mjetet doli nga rruga dhe përplasi fëmijën e mitur, i identifikuar si Enjo Tabaku, i cili fatkeqësisht ndërroi jetë në vend nga plagët e shumta.
Sipas burimeve, automjeti tip Volkswagen Golf drejtohej nga Odorian Petriti, 46 vjeç, ndërsa automjeti tjetër tip Audi drejtohej nga Mikel Petriti, 41 vjeç.
Policia ka nisur hetimet për të zbardhur shkaqet e aksidentit dhe për të përcaktuar përgjegjësinë e drejtuesve të automjeteve.
