Arben Derhemi, në një intervistë të fundit në “Shije Shtëpie” në TV Klan, ndau detaje mbi rikthimin e shumëpritur të serialit të njohur shqiptar “Njerëz dhe fate”, i cili këtë herë do të vazhdojë si një film.
Ai sqaroi se filmi do të ruajë vazhdimësinë logjike të historisë së personazheve, por gjithashtu do t’i përshtatet kohës dhe aktualitetit të sotëm.
“Domosdoshmërisht duke ardhur pas 20 vitesh, normalisht që personazhet nuk janë më ata që kanë qenë, as historitë nuk janë më ato që kanë qenë, as dëshirat e publikut nuk janë më ato që kanë qenë… Kështu që edhe filmi është zhvilluar në një anë pak më shumë aksion. Gjithsesi personazhet janë të mbetur në stanjacion në momentin e ikjes së “Njerëz dhe fate” dhe duke qenë që skenaristi bëri të mundur një volum të madh skenari për vazhdimësinë ne kemi zgjedhur gjërat më të mira të mundshme për publikun dhe për atë që ne mendojmë se për momentin është më e këndshme dhe ka më shumë kërkesë. Plus që personazhet domosdoshmërisht do të vinin nga një rrjedhë dhe nuk mund të ketë alogjizma në vazhdimësi të personazheve dhe në vazhdimësi të roleve e karaktereve të tyre”, -tha Derhemi.
Po me Florin çfarë ka ndodhur?
“Flori domosdoshmërisht ka ndryshuar, sepse kishte ikur nga burgu, kishte dalë jashtë. Pastaj dalja jashtë e tij dhe shkuarja e tij diku tjetër është zhvilluar në film”, -zbuloi aktori
