Spekulimet rreth emrave të opinionistëve në edicionin e tretë të Big Brother VIP Kosova po marrin formë.
Pas Milaim Zekës, një nga emrat më të përfolur në këto ditë të fundit është Einxhel Shkira.
Ish-konkurrentja e Big Brother VIP Albania dhe fituesja e zemrave të publikut, thuhet se do të rikthehet në ekran, por këtë herë në një rol krejt të ri – atë të opinionistes.
Ndërkohë që Big Brother VIP Kosova ka mbajtur të fshehtë detaje të shumta rreth formatit të këtij edicioni, përfshirja e Einxhelit do të jetë një surprizë për fansat e programit.
Pas suksesit të saj në edicionin e parë të Big Brother VIP Albania, ku ajo fitoi zemrën e publikut dhe filloi një histori dashurie me DJ Dagz, Einxheli është kthyer në një figurë të dashur dhe të komentuar në mediat rozë.
Ky rikthim në shtëpinë e Big Brother-it, këtë herë si opinioniste, është një hap i rëndësishëm për të dhe një sfidë e re në karrierën e saj televizive.
