Sipas raportimeve të fundit nga mediat e huaja, pranë qendrës ku ish-presidenti Donald Trump pritej të mbante një tubim në Long Island, u zbulua një mjet shpërthyes brenda një automjeti.
Nëse kjo konfirmohet, do të përbënte një tentativë të tretë për atentat ndaj Trump në një periudhë të shkurtër, duke ndjekur incidentin e disa ditëve më parë, kur një person i armatosur u kap duke u përpjekur të qëllonte Trump ndërsa ai po luante golf në Palm Beach.
Sipas burimeve të Daily Mail, oficerë të Departamentit të Policisë së Qarkut Nassau raportuan se perimetri i sigurisë ishte thyer dhe një fuçi blu u hoq nga zona e mbrojtur. Pas një kontrolli me qen zbulues të eksplozivit K9, autoritetet identifikuan një pajisje shpërthyese në një nga makinat.
Shoferi i automjetit ku u gjet mjeti shpërthyes, sipas dëshmitarëve, filloi të vraponte drejt pyllit pranë vendit të ngjarjes. Nuk është e qartë nëse ai mbante ndonjë gjë me vete, por paniku përreth zonës u rrit. Policia është ende në hetim dhe shumë automjete janë parkuar në Hempstead Turnpike dhe zonat përreth, përfshirë Eisenhower Park.
Ky incident vjen në një moment të tensionuar për ish-presidentin Trump, i cili ka qenë subjekt i disa kërcënimeve të fundit.
