Cristiano Ronaldo ka qenë në qendër të kritikave së fundmi pasi një video u bë virale në rrjet.
Si fillim, Cristiano u pyet nga legjenda e futbollit, Rio Ferdinand për të zgjedhur një nga dy emrat e futbollistëve që do i përmendte.
Kështu, teksa erdhi radha e Karim Benzema apo Kylian Mbappe, cili është lojtar më i mirë sipas tij, Cristiano habiti me zgjedhjen duke përmendur emrin e Mbappe. Kujtojmë që së bashku me Benzema, Cristiano fitoi plot 4 Champions League, pa përmendur shumë trofe të tjerë.
E duket se mes kritikave të shumta që Cristiano ka marrë deri më tani, ka ardhur dhe një reagim indirekt nga Benzema.
Në shenjë përgjigje ndaj deklaratës së “shokut” të tij, Benzema ka publikuar në llogarinë e tij në InstaStory Topin e Artë që fitoi pak vite më parë — si për të treguar se është një lojtar i kompletuar. Por jo vetëm kaq!
Ai gjithashtu ndryshoi foton e profilit, sërish teksa shihet duke mbajtur Topin e Artë.
Ja që drama nuk paska vetëm shoubizi shqiptar!
