Ilir Shaqiri vazhdon të mbajë ndjekësit e tij të përditësuar në rrjetet sociale, duke ndarë momente nga jeta profesionale dhe private.
Megjithatë, një moment ka çuditur balerinin kur një ndjekës i ngatërroi identitetin, duke e falënderuar për këngët që ka kënduar… një aktivitet që nuk ka lidhje me të!
Gjithçka nisi kur Shaqiri postoi një foto në Instagram teksa po përgatiste ushqim, dhe papritmas mori një mesazh nga një ndjekës që mendonte se ishte këngëtari Ilir Shaqiri.
“O bac si je, a u lodhe? Faleminderit për krejt këngët me 17 vjet që i kam i dëgjoj dhe s’ka muzikë ma t’mirë,” shkroi ndjekësi, duke krijuar një moment të pavullnetshëm komik.
Me humor, balerini iu përgjigj mesazhit, duke thënë: “Ti i gjete të gjitha. Vet i knoj e vet i kërcej.”
