Problemet në jetën personale të mbrojtësit të Manchester City, Kyle Walker, kanë marrë një kthesë dramatike.
Futbollisti është detyruar të largohet nga shtëpia e tij luksoze dhe tani jeton në një apartament të gjetur nga klubi. Ky veprim vjen pasi gruaja e tij, Annie Kilner, e ka përzënë nga vila e tyre për shkak të një skandali të madh që përfshinte një jetë të dyfishtë.
Arsyeja pas këtij vendimi të Annie Kilner lidhet me zbulimin e tradhtisë së burrit të saj me Lauryn Goodman, e cila jeton në një shtëpi tjetër të Walker. Sipas raportimeve, Walker është akuzuar për mbajtjen e një jete të dyfishtë për vite me radhë, duke ndarë kohën mes bashkëshortes së tij, Annie, dhe Goodman, me të cilën ka një vajzë.
Lauryn Goodman ishte ajo që vendosi të nxjerrë në dritë të vërtetën. Ajo i kërkoi Walker që t’i tregonte gjithçka Annie-t në mënyrë që të gjithë të fillonin vitin 2024 të lirë nga gënjeshtrat. “I thashë Kyle se duhej t’i tregonte gjithçka Annie. Se ai është babai i vajzës sonë, sepse ne duhet ta fillonim të lirë vitin 2024,” tha Goodman, duke bërë që e gjithë situata të shpërthente.
Pas 12 vitesh së bashku, Annie Kilner vendosi të kërkojë menjëherë divorcin. Situata e tensionuar ka ndikuar edhe në përqendrimin e Walker gjatë Euro 2024, ku ishte i shqetësuar për praninë e gruas dhe të dashurës në tribuna. Ky skandal personal ka tërhequr vëmendjen e gjithë stafit të kombëtares angleze, duke krijuar një sfidë të madhe për Walker, jo vetëm në fushë, por edhe jashtë saj.
Tani, Kyle Walker përballet me një të ardhme të pasigurt në jetën e tij personale, ndërsa përpiqet të menaxhojë pasojat e këtij skandali që ka tronditur jo vetëm familjen e tij, por edhe karrierën e tij në futbollin elitar.
