Dita e djeshme ishte e veçantë për Heidi Bacin, ish-banorja e “Big Brother VIP Albania”, e cila festoi ditëlindjen e saj.
Urimet dhe surprizat nuk munguan, por një detaj i veçantë në postimet e saj ka ngjallur kuriozitetin e ndjekësve.
Në një video të publikuar në Instagram, Heidi tregoi buqeta me lule dhe dhurata të shumta që kishte marrë me rastin e ditëlindjes. Por ajo që tërhoqi më shumë vëmendje ishte një tjetër video, ku Heidi tregon një unazë të vendosur në gishtin e fejesës/martesës.
Videoja shfaq momentin kur ajo kap dorën e Romeos dhe shkruan: “Të Dua”, duke i shtuar kështu emocion dhe mister këtij detaji.
Nuk është ende e qartë nëse kjo unazë është surpriza që Romeo i ka bërë Heidit për ditëlindje, por fansat tashmë po spekulojnë për një hap të ri në marrëdhënien e tyre.
Romeo, gjithashtu, nuk e ka lënë këtë ditë të veçantë pa një dedikim të ëmbël për të dashurën e tij, duke i shprehur dashurinë dhe urimet më të mira.
Fansat janë në pritje të detajeve të reja nga çifti për këtë unazë misterioze. A do të jetë ky hapi i madh që të gjithë po presin? Koha do të tregojë, por për momentin, mbetet një nga temat më të diskutuara në rrjetet sociale.
