Stephen Baldwin postoi një video të çuditshme pasi vajza e tij Hailey Bieber zbuloi se ajo nuk është më “shumë e lidhur” me familjen e saj.
Aktori ndau një video-selfie duke i dhënë makinës dhe duke parë kamerën përpara se të buzëqeshte lehtë dhe thjesht të thoshte: “Ju dua”.
“Sot, të qëndrosh pozitiv është një zgjedhje! Kështu që unë besoj në fuqinë e gëzimit, paqes dhe lumturisë. Së fundi, nëse dikush nuk ju ka thënë sot, JU DUA,” ka shkruar ai krah videos.
View this post on Instagram
Postimi mori komente të shumta nga ndjekësit e tij dhe shumë prej tyre e lidhën videon e tij me deklaratën e Hailey.
“Vajza jote nuk të do, ti e turpëron atë,” shkroi një person. “Vajza jote ka turp nga ty”, ka komentuar një tjetër përdorues.
Ylli i “Threesome”, 58 vjeç, ndau videon pasi vajza e tij, 27 vjeçe, u bë kryefjalë e mediave për rrëfimin e saj të sinqertë mbi familjen e saj.
“Unë nuk jam shumë e afërt me familjen time në këtë pikë të jetës sime, sepse ndihem sikur jam shumë e pavarur. Unë jam vetë zot vetë shkop tani dhe kam ndërtuar familjen time”, tha ajo për revistën W në një kopertinë të botuar të martën.
Hailey shtoi se ka pasur një “fëmijëri mjaft normale me “kujtime shumë të dashura, të bukura”. “Natyrisht, unë vij nga familja nga e cila vij, dhe gjithmonë e kam kuptuar se kjo ishte ndryshe,” tha ajo.
Hailey është e martuar me Justin Bieber që nga viti 2018 dhe është mbi gjashtë muajshe shtatzënë me fëmijën e tyre të parë.
