Efi Dhedhes është një nga vajzat më të komentuara dhe më të dashura për publikun shqiptar. Ish-banorja e edicionit të dytë të “Big Brother VIP” është mjaft aktive në rrjetet e saj sociale, ku poston foto e video të ndryshme.
Por së fundmi, Efi ka vendosur që të bëjë një bashkëbisedim virtual me ndjekësit e saj, të cilët i kanë bërë pyetje nga më të ndryshmet.
Teksa e kanë pyetur për jetën private, për ish-banorë të BBV, ka patur nga ata që i kanë bërë komente të tipit “dukesh si burrë me rroba femre”.
“Pse je bërë kaq e shpifur si Michael Jackson? Dukesh si burrë me rroba femre”, i ka shkruar dikush Efit.
Kjo e fundit i ka kthyer përgjigje përmes një video të postuar në “Instastory” ku bën mimika të ndryshme me fytyrën dh nuk thotë asgjë.
Ndërkohë një tjetër e ka pyetur se “pse vishesh si burrë?”.
“Të tregoj që jam më burrë sesa disa burra si ty”, i është përgjigjur ish-banorja e “Big Brother VIP 2”, duke e shoqëruar edhe me një emoji zemër të bardhë.
