“Top Channel është shtëpia ime e parë mediatike, është dashuria e parë”, kështu u shpreh Julian Deda teksa ishte i ftuar sot në emisionin “Wake Up”.
Aktori i njohur foli pak për rrugëtimin e tij brenda shtëpisë së “Big Brother VIP3” dhe jo vetëm.
I pyetur nëse e ka marrë malli për të qenë pjesë e ekranit të Top Channel, ish-finalisti u shpreh “se vazhdon të ngelet një logo e madhe, një televizion që energjia prevalon mbi çdo gjë”.
“A të ka marrë malli me qenë në ekranin e Top Channel sërish? Ka qenë shtëpia jote e parë”- u pyet aktori, i cili u përgjigj:
“Shtëpia ime e parë mediatike, është dashuria e parë dhe të them të drejtën sigurisht Top Channel vazhdon të ngelet për mua një logo e madhe, një televizion që energjia prevalon mbi çdo gjë. Dikur nuk mendonin sa do merrnim, donim vetëm të dilnim në ekran të bënim atë që donim. Ajo ka qenë kohë vizionare. Edhe humori në vetvete është kthyer në ‘fast food’, janë bërë shumë. Të gjitha emisionet e humorit që lindën më pas, dolën nga “Portokallia”. Dua të merrem me televizionin dhe dua të jem pjesë e ekranit”
