Një shpërthim ka ndodhur mëngjesin e së premtes në lagjen “Universitetit” në Prishtinë, prej të cilit u dëmtuan gjashtë automjete.
Zëdhënësi i Policisë së Kosovës, Agron Borovci konfirmoi se bëhet fjalë për shpërthimin e një granatë dore.
“Rreth orës 07:00 është pranuar informata për një shpërthim në rrugën ‘Zekirja Cana’ në Prishtinë. Policia menjëherë ka dalë në vendin e ngjarjes dhe nga informacionet e para bëhet e ditur se si pasojë e shpërthimit nga fragmentet e mjetit shpërthyes gjashtë vetura janë dëmtuar përderisa nuk raportohet për pasoja në njerëz”, theksoi ai.
Por, sipas raportimeve të shumta, besohet se objektiv i sulmit të ketë qenë reperi Agon Abdullahu, i njohur si Noga, ndërsa detaje të tjera nuk janë bërë të ditura.
