Sot në emisionin “Live from Tirana” ishte i ftuar në studio vëllai i Ilnisa Agollit, Kevin Agolli.
Mbrëmjen e djeshme Prime na dhuroi shumë emocione. Si e komenton Kevin reagimin e Meritonit teksa i premtoi Ilnisës se nëse ajo do largohej përfundimisht nga shtëpia edhe ai do vinte pas saj?
Prime dje më pëlqeu shumë sepse hodhi dritë mbi disa emocione pozitive. Ilnisa është shumë emocionale dhe Meritoni është katalizatori i emocioneve të saj. Këto ditë është mbytur prej pjesës që nuk ka qenë afër me Meritonin. Deklarata e tij ishte e bukur që preku shumë njerëz dhe tregoi ndjenjën e tyre sepse vazhdohet paragjykohet dhe thuhet se Ilnisa është më e përfshirë ndërkohë që duket Meritoni më i përfshirë. Ndjenja e tyre po rritet në mënyrë shumë organike.
Sa është Ilnisa lojtare dhe sa është Ilnisa e vërtetë?
Duke e njohur më mirë seç Ilnisa njeh veten mendoj se ajo është vetvetja ne masë të konsiderueshme. Nëse e marrim që nga dita e parë, Ilnisa hyri për të bërë lojë por me kalimin e kohës kreu një katarsis dhe u shfaq Ilnisa vetvetja. Ilnisa lë mënjanë lojën kur është puna për t’i qëndruar të tjerëve afër. Është shumë e ndjeshme si natyrë.
Si e përcepton lidhjes e Ilnisës me Meritonin?
Unë dhe Ilnisa i respektojmë zgjedhjet që bëjmë për veten tonë. Mendoj që nisi si një pëlqim, pastaj dita ditës duke qenë në kushtet e një izolimi, vazhdimisht në praninë e njëri tjetrit do të dilte në sipërfaqe nëse nuk do të zhvillohej diçka. Të rrish 24 orë me dikë diku do të dilte nëse diçka nuk po ecte siç duhet. Ka patur një rritje oranike lidhja e tyre dhe kjo u pa edhe dje me reagimin e Meritonit. Në momentin pastaj kur mbaroi edhe dënimi që u puthën ishte shumë emocionuese, shyqyr që ka edhe momente të tilla.
Debatet mes Ilnisës dhe Eglës si i komenton Kevin?
Është e pamohueshme që ka patur tonalitete të larta dhe agresivitet nga të gjithë banorët, këtu përfshihet edhe Ilnisa. Ka patur momente që Ilnisa e ka kaluar cakun e fjalës por ka ditur edhe të reflektojë dhe të kërkojë falje. Njeriu kur kërkon falje ajo gjë mbetet e shkuar. Egla është njeriu që ka ofenduar dhe degraduar situatat me të gjithë banorët. Egla ka bërë një koment jashtëzakonisht të shpifur për mbesën time Anaisin ku i ka thënë Ilnisës se nëse ajo nuk i tregonte për pozicionet e seksit do ia tregonte Egla. Është seksualizuar një fëmijë 10-vjeç.
