Sot pritet të mbahet nata e tretë “Prime” e Big Brother Vip 3, ku me sa duket do të ketë një ndryshim që në nisje.
Einxhel Shkira pritet të jetë e ulur në panelin e opinionistëve. Në fakt ajo do të zëvendësojë njërin nga opinionistët e përhershëm.
Lajmi duket i konfirmuar nga Einxhel në twitter e cila shkruan: “Dëgjova se ju mungoj, shihemi nesër”.
Pak më parë u tha se Einxhel do të zëvendësonte Orin, ama “Living” ka mësuar se në fakt ajo do të zëvendësojë Arbër Hajdarin, i cili nuk ndodhet në Shqipëri për momentin.
Nga ana tjetër, Ori ka postuar pak më parë një foto nga kolltuku i opinionistes ku ka shkruar se do të shihemi pas pak në BBV.
