Risia e fundit e Instagramit lidhet me mesazhet “seen”. Pra tashmë do të ketë një opsion që ju krijon mundësinë ta shihni mesazhin dhe të shmangni shënimin “seen” (parë) poshtë tij.
Njoftimi është bërë i ditur nga Marck Zuckerberg dhe Adam Mosseri në profilet e tyre në Instagram.
“Morëm përshtypjet tuaja dhe nisëm të testonim një opsion të ri që ju lejon të hiqni etiketimet “seen” në mesazhet tuaja. Shumë shpejt, përdoruesit do të mund të zgjedhin kur do t'i lejojnë të tjerët të shohin se e kanë lexuar mesazhin e tyre“, shkroi Mosseri.
Kjo veçori është shtuar së fundmi edhe në Messenger.
