Moderatorja e dashur për publikun, Kiara Tito, është mjaft aktive në profilet e saj në rrjetet sociale. Ajo ndan me 793 mijë ndjekësit në “Instagram” foto e video të ndryshme.
E kështu ka bërë edhe një ditë më parë sapo ka përfunduar puntata e radhës së “Fan Club Dancing With The Stars”. Kiara ka postuar disa poza ku shfaqet mjaft elegante dhe nuk ngurron që të tregojë barkun e rrumbullakosur.
E teksa këto imazhe kanë marrë mijëra pëlqime dhe komplimente, Luiz Ejlli ka një vërejtje për të. Partneri i saj i ka lënë një koment, ashtu siç bën thuajse në çdo postim të Kiarës, dhe i shkruan se nuk e kuptoi kurrë pozicionin e dorës.
“Kuptimin e pozicionit të dorës së majtë afër mjekrës, nuk e mora vesh kurrë”, i ka shkruar Luizi.
Ndërkohë kujtojmë se çifti i njohur së shpejti do të bëhet prindër për herë të parë. Kiara dhe Luizi do të bëhen me një vajzë.
