Pas 7 vitesh pauzë, mbrëmjen e sotme u rikthye në ekranin e Tv Klan, show i talenteve “X Factor” me moderatore Alketa Vejsiun.
Kjo e fundit bëri një postim në rrjetet sociale, ku me disa fjalë emocionuese, rikujtonte fillimet e këtij programi të suksesshëm.
Mirëpo, ndjekësve të vëmendshëm nuk u shpëtoi një detaj.
Alketa e fshiu një herë postimin përpara se ta postonte sërish, ndërsa një prej tyre e lidhi këtë veprim me Arbana Osmanin.
“Pse e fshive postin e parë të kishte bërë dhe like Arbana apo kot për kunj?”- i shkroi ndjekësi, ndërsa Alketa ia ktheu:
“Kisha asinkron zërin dhe figurën. Skam kunja me askënd. Për më tepër me një ëndërrimtare tjetër të gjeneratës time që ka bërë vendin e vet në Ekranet Shqiptare”.
Si dy nga moderatoret më të komentuara dhe më të dashura nga publiku, Alketa dhe Arbana janë vendosur shpesh përballë njëra tjetrës nga ana e publikut e madje është përfolur për konkurrencë mes tyre, ama ato vetë kanë treguar të kundërtën.
