Bora Zemani dhe Donald Veshaj kanë bërë me dije pak kohë më parë se xhirimet e filmit të tyre “5 Herë Jo”, me të cilin kanë punuar prej kohësh, kanë përfunduar.
Ata gjithashtu ndanë disa detaje për komedinë romantike, ku ndër të tjera treguar se emrat e tyre në film do të jenë Jora dhe Gjergji.
Ndërsa tani, dyshja në fjalë ka publikuar datën e daljes në kinema të filmit të parë të realizuar prej tyre.
Përmes një postimi në llogarinë e saj në rrjetin social Instagram, Zemani njofton se duke filluar nga data 13-dhjetor filmi do të jepet në kinema.
“5 Herë JO”, me pjesëmarrjen e aktorëve: Agron Llakaj, Egla Ceno, Romir Zalla, Lorenc Kaja etj ju fton në aventurën e një romance të bukur dashurie.