Stresi ka ardhur me një rrëfim ndryshe në emisionin e Rozana Radit, “Një gotë rose”.
Si asnjëherë më parë, këngëtari ka hapur zemrën tek ka rrëfyer vështirësit e fëmijërisë.
Ai tregoi se familja nuk ka pasur mundësi të mira ekonomike në atë periudhë për të qenë i barabartë me shokët e tij të fëmijërisë.
Në një moment reperi rrëfeu vështirësitë e të ëmës për t’i shkolluar dhe rritur pasi i ati ishte në burg dhe madje ai nuk e mbante mend.
“Kur ka ardhur pas demokracisë që është kthyer nga burgjet e diktaturës ka qenë një njeri me mjekër. Kur a ardhur në shtëpinë 92 e shihja si i frikësuar dhe thoja kush është ky njeri.”
Madje ai u shpreh se në atë periudhë, ishte daja ai të cilit Stresi i thërriste ‘baba’.
“Po është e vërtetë, daja Guxim quhet. E thirrja dajën baba sepse nuk e kisha babain afër nga regjimet. Nuk e kam pas fiksuar dot. Kur erdhi babi e kisha pak problem, e shifja por nuk i shkoja. Pastaj erdhi 97-ta dhe iu desh te merrej me politikën. Isha në klasë të dytë sepse në klasë të parë zysha më ka rrahur shumë. Ka qenë një racizëm shumë i madh ndaj meje. Nuk e kam pas fajin as unë dhe as prindërit e mi, ky është një faj që… Unë jam rrahur shumë nga kjo zyshë në klasë të parë. Në klasë të dytë e mbaj mend babain që vinte dhe më merte tek shkolla pastaj i desh të shkëputej për arsye politike deri në vitin 1999.
Kam jetuar tek gjyshja sepse nuk kisha mundësi. E mbaj mend që u shitshin ato librat në atë kohë, unë i kam vjedhur ato sepse nuk kisha me çfarë ti bleja. Nuk ka pasur njeri kohë që të merrej me mua. Në të gjithë ata nxënësit unë isha më i vuajturi. Në mbledhje me prindërit unë si kam pasur kurrë prindërit, por ka ardhur shoku i babait.
Në raport me fëmijët tjerë unë kam qenë shumë problematik. Sado që më mbyllnin në shtëpi unë dilja. Mua të më mbyllësh në një dhomë unë bëhem shumë keq. Unë kam një lidhje speciale me mamin. Kur unë jam keq nënës time i ndodh një plagë në kokë, i çahet koka kur ndodh diçka me mua.”
