Një nga të ftuarat e puntatës së sotme në “DWTS Fan Club” ishte edhe anëtarja e jurisë Lori Bala.
Jo pak herë Lori është kryqëzuar për gjykimet e saj si nga vip-at, ashtu edhe nga kolegët e saj, balerinët profesionistë.
Madje jo më larg se spektaklin e shkuar pati një përplasje të fortë mes saj dhe balerinës Jora Hodo, debat i cili u diskutua gjatë puntatës së sotme bashkë me Albi Nakon.
Ky i fundit u shpreh se arti i baletit aq sa është i bukur, aq ka edhe prapaskena të ndyra. Koreografi është i mendimit se balerinët e tjerë janë xhelozë për pozicionin që Lori ka, pasi mund të mendojnë se secili prej tyre mund të ishte në vendin e saj.
Mirëpo, Lori nuk e mendon kështu! Ajo tha se dëshiron t’i mendojë pozitivisht gjërat dhe mos të pranojë se balerinët e tjerë janë xhelozë për të.
