Të dielën që lam pas ishte puntata finale e programit “Love Island Albania” i cili u soll për herë të parë në Shqipëri nga moderatorja Luana Vjollca.
Edhe ky program ashtu si “Zemër Luana” rezultoi i suksesshmën.
Urimet për Luanën ishin të shumta nga ndjekësit dhe fansat e saj, mirëpo ajo çka tërhoqi vëmendjen ishte një koment i Sara Hoxhës, tek i uronte moderatores suksese.
Një veprim ky që nuk pritej aspak, sidomos duke ditur faktin se largimi i Luanës nga Top Channel nuk ishte aq miqësor.
E pas këtij komenti, moderatorja ka hedhur një thumb në rrjetet sociale që duket se i dedikohet pikërisht Sara Hoxhës.
Ditën e sotme ajo ka postuar një kuotë ku shkruhet: “Jo të gjithë nga ata që të shohin po të admirojnë. Disa janë të mrekulluar që ti kalove pengesat që ata vendosën për ty”
Kujtojmë se gjatë suksesit që korrnin programet e saj, Luana u rikujtonte se ja kishte dalë mbanë atyre që ishin skeptik se programet e saj nuk do të funksionin në asnjë logo tjetër.
“Për hir të së vërtetës ja dolëm me të gjithë skepticizmin se ky program nuk do të funksiononte në as edhe një logo tjetër! Faleminderit televizioni Klan për të gjithë mbështetjen tuaj? Faleminderit që më bëtë të ndihem si në shtëpinë time!”- është shprehur Luana më parë.
