Në rrjetet e saj sociale ka me qindra postime, por kur bëhet fjalë për fotografitë apo videot me njerëzit e zemrës Rudina Magjistari e di mjaft mirë që duhen vendosur disa kufij: nuk mund t’i ndajë me çdokënd.
Për këtë arsye gjatë gjithë kësaj kohe ajo i ka shfaqur publikut vetëm copëza nga familja e saj, por ja që gjatë pushimeve mund të bëhen edhe përjashtime, ndaj s’është habi që dje pamë në llogarinë e saj në Instagram disa imazhe të Mias.
Moderatorja është kujdesur që të sfumojë fytyrën e së bijës, por në një foto ajo ndodhet me profil dhe më në fund mundëm t’i shquanim tiparet.
Rudina ndodhet me pushime në Paris dhe ka përfituar nga rasti për të vizituar Disneyland, parajasën e gjithë fëmijëve.
Por, përveç se ka ndarë pamje nga vendi, këtë herë ka publikuar disa foto të Mias. Vogëlushja është rritur aq shumë, sa tani duket si shoqja e saj.
