Disa ditë më parë, aktori i njohur i humorit, Salsano Rrapi habiti jo pak me veprimin e tij në Instagram.
Ai postoi një foto në InstaStory të kastit të filmit “Në kuadër të dashurisë”, përfshirë këtu edhe protagonisten Olta Gixhari, por ndryshe nga fotoja origjinale, aktori hoqi Luiz Ejllin.
Më pas, ai bëri një batuatë ironizuese lidhur me filmin “Në kuadër të dashurisë” ku është pjesë e kastit.
Teksa bënte apelin në programin “Ndryshe”, Visjan Ukcenaj tha me humor se Salsano është prezent duke kopjuar nga mbrapa.
Në këtë moment, Salsano u shpreh se tashmë as aktor nuk është pasi vetëm një është mbreti.
“Gjithmonë kam qenë nxënës i dobët.Tani jemi bërë edhe legena. As aktorë nuk jemi. Vetëm një është mbreti”, tha Salsano duke ironizuar Luizin.
Pas veprimeve dhe deklaratës së Salsanos, ka ardhur reagimi i parë nga Luiz Ejlli.
Një llogari në Instagram shpërndau disa pamje nga premiera e filmit “Në kuadër të dashurisë” në Shkup dhe vëmendjen e mori komenti i Luizit.
“Kjo ishte hera e fundit që më lejojnë të flas për filmin. Kisha edhe një batuatë perlë për një qeros por po e ruaj për ndonjë ditë me shi”, tha këngëtari, duke ironizuar Salsanon.
