Pasi ia kërkoi i ati dhe u largua menjëherë nga programi, Heidi Baci është kthyer sërish në “Grande Fratello”.
Shqiptarja u kthye për të shpjeguar arsyet që e shtynë të largohej nga programi: “Nëna ime ishte e sëmurë, e vura re menjëherë nga vështrimi i babait. Sapo ai hyri unë isha duke buzëqeshur, pastaj pasi e pashë ndryshova“, tha ajo.
Heidi refuzoi mundësinë e hyrjes në shtëpi për të folur me banorët dhe iu përgjigj akuzave të atyre që e gjykuan takimin e saj me të atin. “Për mua ishte tronditëse të dëgjoja disa deklarata” – nënvizoi Baci -, babai im nuk është i tillë, nuk kisha frikë prej tij. Kuptova që kishte një problem me nënën time. Unë jam njeri i lirë dhe unë jam shumë mirë, dua të përsëris se nëna ime ishte e sëmurë dhe unë u tërhoqa me dëshirë”.
Më pas Heidi foli për marrëdhënien e saj me Massimiliano Varrese. Deri pak minuta para hyrjes së babait, me aktorin dukej se kishte nisur një raport që mund të kthehej në një histori më serioze. Në realitet, sot Heidi ka një mendim krejt tjetër: “Nuk më pëlqen sepse ai nuk e kuptoi ‘Jo’ që i thash. Ky individ është një person shumë i hutuar, më herët foli për terror ndaj babait tim, tani ka thënë që e dua. I mungojnë shumë copa. E kuptova sa shumë më manipuloi. Tani kam shumë inat por jo ndaj dikujt por ndaj vetes. Ka vënë vazhdimisht vajzën e tij përballë meje duke më thënë se kam një vajzë dhe po mundohesha ta mbroja. Nëna ime përjetoi keq situata që nuk ishin normale”.
Signorini prezantoi përballjen mes Heidit dhe Massimiliano Varrese me një video ku shfaqej dhimbja e këtij të fundit për atë që ndodhi ditët e mëparshme. “Nuk kam asgjë për të thënë më shumë, Heidi. Lotët që ke parë janë edhe ato të një personi që ka dëgjuar fjalët e forta të babait tënd. Duke mos dashur të komentoj apo të përkeqësoj situatën, nuk munda të shfryj as verbalisht apo në ndonjë mënyrë tjetër. Në ato imazhe shoh një njeri që ndoshta ka bërë filmin e tij dhe kjo është në rregull. Më vjen shumë keq që më quajte ‘ky individ’, e marr pak si një nënçmim. Gabimi im ishte mbivlerësimi i ndjeshmërisë së Heidit.”
Heidi qëndronte e ftohtë përballë fjalëve të tij teksa tha: “Ky individ është nënçmues dhe të kam mbështetur shumë herë, të kam kuptuar, të kam ardhur në ndihmë dhe pavarësisht kësaj, pavarësisht se të kam thënë një mijë herë. të ngadalësosh, të rrish pak më mbrapa… Nuk e bëre, përdore psikologjinë e kundërt, atë të injorimit në një shtëpi ku jetojmë bashkë. Të shmangim realizimin e filmave që tejkalojnë realitetin. Historia e kaligrafisë ishte kashta që i theu shpinën devesë, është thjesht e shëmtuar”. Varrese përsërit: “Mirë, mund të thuash çfarë të duash. Ne do të flasim për këtë…”
Ajo e ndalon menjëherë: “Jo, nuk do të flasim më për këtë. Unë po bëj këtë përpjekje për ta mbyllur atë. Këtu poshtë. Nuk dua më kontakte dhe dua që të ndalosh së foluri për mua, babin dhe familjen time pa e ditur të vërtetën.” Situata është e qartë, por para mbylljes së takimit Varrese shprehet: “E gjitha është shumë e qartë, por gjithashtu do të doja që këto mesazhe shpifëse të mos hidheshin më mbi mua”.
