Gjini, vëllai 17-vjeçar i Duas, ka krijuar këngën e tij të parë.
Në një postim në Instagram, ai ka publikuar një foto me firmën e tij, e para si producent.
Duket se familja Lipa është familja e talenteve. Dukagjin Lipa nga shumë mund të njihet si babai i Dua Lipës, por ai është marrë me muzikë që në moshë të hershme.
Dukagjini themeloi grupin “ODA” në vitet ’80, dhe ishte vokalisti i atij grupi që performonte muzikë të zhanrit ‘rock’.
Edhe Rina, motra e vogël e Duas është modele dhe aktore dhe ndër vite ka siguruar role të rëndësishme.
Dhe tani, i vogli i familjes ka hedhur rrënjët e para në muzikë, tek ka prodhuar këngën e tij të parë.
