Artistja shqiptare me famë botërore, Rita Ora së fundmi ishte e ftuar në emisionin e prezantuesit Andy Cohen, bashkë me DJ Diplo.
Gjatë intervistës, ata duhet të komentonin me një fjalë personazhet që shfaqeshin në ekran.
Një prej tyre ishte edhe ylli tjetër shqiptar i muzikës, Dua Lipa, për të cilën Rita reagoi menjëherë.
“E bukur”, u shpreh autorja e “You & I” me të parë imazhin e Duas, ndërkohë Diplo tha: “shqiptare”, që bëri që Rita të entuziazmohej dhe të brohoriste me krenari.
Vitet e fundit raporti mes dy këngëtareve me origjinë shqiptare ka qenë në vëmendje të publikut, pasi shpesh thuhej se nuk shkojnë mirë.
