Këngëtarja Greta Koçi ka gati projektin e ri muzikor, lajm të cilin e bëri të ditur përmes një postimi në llogarinë e saj në Instagram.
Ajo njoftoi se kënga e re që titullohet ‘Mbesa ime’ do të publikohet së shpejti dhe mesa duket është një dedikim për vogëlushen e motrës së saj, Eni Koçit.
Kujtojmë se Eni Koçi dhe Genc Prelvukaj janë bërë prindër për herë të parë në tetor të vitit të kaluar.
Lajmin e ëmbël e bëri me dije vetë këngëtarja përmes një postimi në rrjetet sociale, tek mbante dorën e vogëlushes.
“Mirë se erdhe Adea Prelvukaj. Jam e bekuar që sot mora emrin më të shenjtë, emrin Nënë. Adea ime, të dua më shumë se çdo gjë në botë. Faleminderit që ma zbukurove jeten”, shkroi Eni një vit më parë.
