Sezoni i dytë i “Dancing with the stars” do të nisë së shpejti e tashmë po zbulohen konkurrentët pjesmarrës dita ditës.
Pak më parë u zbulua se edhe këngëtarja Fifi do të konkurrojë në garën e kërcimit, krah balerinit të njohur Graciano Tagani, me të cilin ruan një raport shumë të mirë miqësor.
Mirëpo, teksa një pjesë e publikut është i kënaqur me pjesmarrjen e saj, një pjesë tjetër i përmendi Fifit marrëdhënien e krisur që kishte me Top median.
Pas përfundimit të “Big Brother VIP” këngëtarja pati një hatërmbetje kundrejt TCH e madje u shpreh se do t’i hidhte në gjyq, ama duket se gjërat mes tyre janë sheshuar tashmë.
Sakaq emrat që janë zbuluar deri tani janë deputeti Saimir Korreshi, këngëtarja dhe moderatorja Enxhi Nasufi, fituesja e shumë çmimeve të bukurisë Atalanta Kërçyku, sipërmarrësja dhe blogerja e njohur Sara Karaj, Armaldo Kllogjeri, i njohur për pjesëmarrjen në ‘Big Brother VIP’, regjisorja Arnita Beqiraj dhe ish-konkurrentja e BBVK Juliana Nura.
