Bled Mane është padyshim një nga gazetarët më të njohur dhe më të përgatitur në vendin tonë, por edhe “kundërshtari” më i madh i Luiz Ejllit.
Gazetarin e kemi parë shpesh ta “sulmojë” me deklarata Luizin, pas eksperiencës që dyshja patën në “Big Brother VIP Albania”.
E duket se diçka të tillë Bled Mane e ka bërë sërish ditën e djeshme në “E diell”.
Teksa po përpiqej të shpjegonte se pse gjërat në këtë botë nuk po funksionojnë ashtu siç duhet, duke përmendur faktin se çdokush ka akses në Internet dhe mund të ngrejë konspiracione nga më të ndryshmet, Bledi nuk e kurseu dhe një “thumb” për ata që votuan Luizin të shpallej fitues i reality show-t.
“Trushpëlarët e pa arsimuar votojnë ashtu si mua (apo tjetri) që mund të kem (ketë) mbaruar masterin dhe ky është defekti më i madh i kësaj demokracie sepse këta trushpëlarët duke bërë edhe një shumicë të marrin më qafë. Këta trushpëlarët nxjerin fitues në një show televiziv një njeri nga rruga. I japin çmimin e parë një kënge sharlatane”, tha Bledi ndër të tjera.
Megjithatë, gazetari e kishte deklaratën në tërësi, duke lënë të kuptohet se pse bota nuk është aspak ashtu siç duhet të jetë.
