Policia spanjolle ka arrestuar tre lojtarë të paidentifikuar të Real Madridit, ndërkohë që një i katërt është në hetim, pasi dyshohet se kanë shpërndarë një video seksuale me një të mitur.
Arrestimi i tyre ka shtuar zemërimin rreth seksizmit dhe sjelljeve të burrave në futbollin spanjoll.
Lojtarët, të cilët nuk janë të mitur, u lanë të lirë pasi u sekuestruan të dhënat në celularët e tyre, tha policia në një deklaratë të enjten.
Rasti ka të bëjë me padinë e nënës së një vajze 16-vjeçare në Ishujt Kanarie lidhur me një regjistrim të dyshuar të marrëdhënieve seksuale, tha policia. Vajza pohoi se marrëdhëniet ishin me miratimin e palëve, por regjistrimi i akteve seksuale u bë pa pëlqimin e saj.
Arrestimet vijnë mes akuzave për abuzim seksual kundër ish-drejtorit të federatës spanjolle të futbollit Luis Rubiales, i cili puthi në buzë futbollisten Jenni Hermoso pas fitores së Spanjës në Kupën e Botës.
Sipas gazetës El Confidencial, subjekti kryesor i hetimit është një lojtar i cili dyshohet se ka regjistruar marrëdhënien seksuale me 16-vjeçaren.
Real Madrid publikoi një deklaratë duke thënë vetëm se katër lojtarë të ekipit të të rinjve ishin marrë në pyetje nga policia “në lidhje me një ankesë për një pretendim të pretenduar të një videoje private përmes sistemit të mesazheve WhatsApp.”
