Na ndajnë vetëm dy ditë nga startimi i “Love Island Albania” e sakaq detajet e para kanë filluar të bëhen publike.
Pasi u bë me dije se programi dating do të nisë më 3 shtator, faqja zyrtare në Instagram zbuloi ditën e djeshme personazhin e parë që do të marrë pjesë, e cila ishte një vajzë me emrin Ilda.
Ndërsa sot është zbuluar një tjetër konkurrent. Bëhet fjalë për Aleksandros, një djalë simpatik, i cili është një prej djemve që do të qëndrojnë në ishullin e dashurisë.
Ai ka qenë pjesëmarrës në “Love Island Greece” e madje ka shkuar deri në finale dhe vjen në Shqipëri për një eksperiencë të re.
Kujtojmë se “Love Island” vjen për herë të parë në Shqipëri nga televizioni Klan dhe nga autorja e moderatorja Luana Vjollca.
Tani që numërimi ka nisur mbrapsh, në mediat sociale të programit janë zbuluar edhe këto rregulla të programit:
1. Çiftet flenë në të njëjtin krevat që në natën e parë.
2. Konsumimi i alkoolit është i limituar.
3. “Ishullorët” nuk lejohet ta dinë se sa është ora.
4. Janë 24 orë nën monitorimin e kamerave.
