Mbrëmjen e djeshme Semi u largua nga “Big Brother VIP”. Ajo shkoi në televotim me Einxhel për disa orë gjatë spektaklit dhe në fund duket se publiku ka votuar se Semi duhet të dalë.
Pasi la shtëpinë, këngëtarja u ndal edhe në studio ku realizoi një intervistë me Arbanën dhe u ballafaqua me mendimet e opinionistëve dhe ish-konkurrentëve.
Më pas kur doli nga studio, jashtë po e priste Bora dhe mikja tjetër e tyre. Vajzat shihet tek përqafohen me mall e mes lotësh.
Teksa ka publikuar videot nga takimi i tyre, Bora ka shkruar:
“Ne të treja gjithmonë!” Duke nënvizuar edhe njëherë se miqësia e tyre është po aq fortë sa ka qenë dhe se do jenë gjithnjë krah njëra-tjetrës.
Pak ditë më parë, në një video në Instagram Bora foli për miqësinë e tyre dhe ndër të tjera tha se besimi dhe protektiviteti janë dy nga arsyet pse miqësia e saj dhe Semit i ka rezistuar kohës.