Gjesti i Cristiano Ronaldos kushton rreth 4 miliardë dollarë. Mbrëmjen e kaluar ylli i Juventusit hoqi nga tavolina ku do të mbante një konferencë për mediat dy shishe Coca Cola dhe menjëherë më pas ka reklamuar ujin.
Ky veprim i ka kushtuar miliona para kompanisë amerikane. Mendohet se vlera e Coca Cola-s ra rreth 4 miliardë dollarë menjëherë pas gjestit të Ronaldos.
Ylli i Portugalisë është një mbështetës i jashtëzakonshëm i jetës së shëndetshme dhe nuk është adhurues i pijeve me gaz si Coca Cola.
Aksionet e Coca Cola ranë nga 56.10 dollarë në 55.22 dollarë pothuajse menjëherë pas gjestit të Ronaldos, që do të thotë se vlera e kompanisë ra nga 242 miliardë dollarë në 238 miliardë dollarë. Por kjo nuk është hera e parë që Ronaldo flet kundër pijeve të gazuara, pasi ai ka treguar edhe më parë që përpiqet të shmangë konsumimin e tyre në familje.