Pasi u vu re se Dafina dhe Dj Geek kishin fshirë fotot me njëri-tjetrin dhe ishin bërë “unfollow” nga Instagrami, menjëherë u aludua se cifti kishte probleme, madje se ishin ndarë.
Sapo nisën të qarkullonin lajmet e para për krizën në lidhjen e tyre, artistët u treguan të shpejtë dhe e ndoqën sërish njëri-tjetrin, ndërsa po ashtu Dafina postoi edhe një foto ku dukeshin bashkë në një prej koncerteve të saj të fundit.
Shumë aluduan se “zënka” ishte një strategji marketingu për albumin e ri të këngëtares, megjithatë të vërtetën e ka raportuar së fundmi “Prive”, sipas të cilëve burime pranë ciftit konfirmojnë se mes Dafinës dhe Geek ka pasur një krizë, por asgjë serioze dhe gjërat tashmë janë mirë.
Nuk është hera e parë që dyshja përfliten për probleme në lidhje, megjithatë cdo herë ja kanë dalë që t’i lenë pas dhe të vazhdojnë lidhjen e tyre.