Kunati i Luiz Ejllit, Sokol Tahiri bëri një postim të papritur disa ditë më parë në rrjetin social, Instagram.
Ai u shpreh se llogaria e Instagramit që Kiara Tito hapi për Luiz Ejllin nuk duhet të suportohet, pasi sipas tij, “ata që hapin Instagram në emër të Luizit nuk janë dashamirës të tij”.
“Ju lutemi fansave të vërtetë të Luizit që të MOS BËJNË FOLLOW asnjë instagram që është hapur në emër të Luizit pavarësisht se nga kush hapen ato instagrame! Ata që hapin Instagram në emër të Luizit nuk janë dashamirës të tij. Ju lutemi duroni edhe një javë sa të dalë Luizi që t’a lëmë atë të marrë vetë vendimet për instagramin e tij personal. Qëllimi ynë nuk është të dëmtojmë askënd, i vetmi qëllim i yni është që të mbrojmë të drejtat e Luizit në lidhje me instagramin e tij. Ju faleminderit për mirëkuptimin e mbështetjen tuaj!”, shkruante Tahiri.
Mirëpo tashmë që Luizi nuk është më pjesë e BBV, një detaj tërhoqi vëmendje në llogarinë e kunatit të këngëtarit.
Postimi ku i kërkonte fansave të mos e ndiqnin llogarinë e Luizit të hapur nga Kiara, është fshirë nga profili. Megjithatë vihet re një tjetër detaj. Sokoli ndjek Efin dhe personazhe të tjerë që kanë sulmuar Kiarën, por nuk e ndjek Luizin dhe as Kiarën.
Gjithashtu Sokoli e mban ende në profilin e tij llogarinë e “GoFundMe” për Luizin, gjë që ky i fundit kërkoi medoemos të mbyllet!
Nuk dihet se si janë marrëdhëniet e tyre dhe çfarë po ndodh pas rrjeteve sociale, por këto detaje lënë hapësirë për dyshime.