Almeda Abazi këtë verë zgjodhi të kalonte disa javë edhe në Shqipëri. Së bashku me bashkëshortin e saj, Tolgahanin, dhe dy fëmijët e tyre, ata pushuan në jug të vendit. Madje, i bënë edhe një promovim të mirë vendit në rrjetet sociale ku numërojnë shumë ndjekës.
Gjatë qëndrimit të saj në Shqipëri, Almeda ka blerë edhe librin e Blendi Fevziut, “Enver Hoxha”. Për të dhënë një mesazh për ndjekësit që të lexojnë sa më shumë libra dhe për të mbështetur moderatorin ajo postoi një video të tij në Instastory. Mirëpo, këtu kanë nisur keqkuptimet.
“Si mund të suportosh një diktator?”- i ka shkruar një ndjekëse Almedës dhe dukshëm nuk e paska lexuar librin.
Mesazhi i ka rënë në sy edhe modeles e cila e ka shpërndarë në Instastory duke shkruar e indinjuar:
“I ke kapur icik mbrapsht gjërat xhaxhi. Vdisni të komentoni kështu në ajër!”.
Libri “Enver Hoxha” është një libër biografik mbi jetën dhe vdekjen e diktatorit Enver Hoxha. Blendi ka sjellë të parën biografi të bazuar në dokumente të arkivit personal dhe në rrëfimet e atyre që e njohën. Libri përmban intervista, rrëfime dhe materiale arkivore mbi jetën e diktatorit dhe prek 76 vitet e jetës së tij.
Ai nis me dimrin e fundit të jetës së tij, me ditët e fundit, kur komunikimi me botën përreth ishte bërë fare i zbehtë. Më pas, Fevziu e ndjek jeten e diktatorit hap pas hapi, duke iu referuar gjithë materialit dhe dëshmive të mundshme.
