Debatet mes Kiara Titos dhe dy opinionistëve të “Big Brother VIP”, Arbër Hajdarit dhe Zhaklina Lekatarit duket se tashmë janë kthyer në të përhershme.
Ish-banorja dhe dy opinionistët u përfshinë sërish në debate prime-n e kaluar, me Kiarën që iu drejtua se ata e kanë marrë personale me të dhe vetëm e kritikojnë.
Fjalët e Kiarës nuk i pëlqyen shumë Zhaklinës, e cila iu drejtua me tone të larta se ajo është asgjë më shumë veçse një gënjeshtare.
Pikërisht në këtë moment, reagimi i Kiarës ishte mjaft epik, duke i treguar Zhaklinës gishtin dhe duke i thënë shkurt: OK!
Kaq mjaftoi që rrjeti ta kthente këtë situatë në favor të tyre, duke bërë që të shpërthejnë memet.
