Ditën e djeshme mes Nita Latifit dhe Zhaklin Lekatarit pati një përplasje virtuale, për shkak se kjo e fundit kishte postuar një foto me flamurin serb dhe ishte shprehur se ndihej e sigurt në një vend ku nuk ka shqiptar.
Mirëpo, ky postim nuk i ka pëlqyer aspak Nita Latifit e cila e ka cilësuar këtë veprim si një hipokrizi.
Nga ana tjetër, Zhaklina nuk e kurseu një kundërpërgjigje e me anë të një postimi në InstaStory është shprehur se Nita po nxit urrejtje.
“Zgjohem sot në mëngjes dhe shoh një pseudo-këngëtare që ka vite që tenton të bëhet e famshme por nuk ia del dot. Pasi i iku vëmendja e “Big Brother-it” tenton dhe vazhdon të qëndrojë në pellgun e vëmendjes duke nxitur urrejtje. Fakti që dikush nuk arrin të ketë sukses duke bërë gjëra të bukura, por duke nxitur urrejtje, tregon për mungesën e talentit dhe të aftësive profesionale”, tha Zhaklina për Nitën.
Mirëpo, nuk mbaron këtu!
Duket se pas kësaj përplasje publike, debati mes dyshes ka vazhduar edhe privatisht.
Pak më parë Nita bëri një postim ku tregoi se Zhaklina i ka dërguar disa mesazhe zanore plot agresivitet.
Ajo shtoi se i vjen keq për urrejtjen që ka marrë nga publiku, ama nuk mund të krahasojë viktimën e përdhunimit të luftës me një viktimë të kërcënimeve në internet.
Më pas këngëtarja ka bërë një tjetër shkrim, ku është shprehur se Zhaklina ka kritikuar agresivitetin e banorëve në mesazhe, por ajo vetë është duke e bërë dyfish.