Alex Rodriguez postoi së fundmi një foto duke buzëqeshur teksa pozonte para një Porsche të kuq duke shkruar në mbishkrimin:
“Unë jam me këmbë në tokë“.
Sidoqoftë, kjo nuk ishte pjesa më e rëndësishme e postimit, pasi ndjekësit menjëherë vunë re se makina ku ai u pa duke u mbështetur është identike me dhuratën luksoze që ai i bëri ish-partneres së tij, Jennifer Lopez në vitin 2019 për ditëlindje.
Një person komentoi, duke pyetur:
“A nuk është ajo makina e kuqe që ai bleu J.Lo?”
Kur këngëtarja e “I’m Real” mbushi 50 vjeç në vitin 2019, E! News zbuloi në atë kohë që Alex i dhuroi asaj një Porsche 911 GTS me një kosto prej 140,000 dollarësh. Nuk mund të thuhet me siguri nëse ai ka blerë një makinë të re identike si ajo e këngëtares apo Jenny ia ktheu mbrapsht dhuratën, por fansat besojnë më shumë teorinë e dytë.
Fotografia e fundit e Alex nuk është shenja e vetme e një kapitulli të ri pasi vetëm pak ditë më parë, J.Lo hoqi të gjitha fotografitë me yllin e bejsbollit nga profili i saj në Instagram. Në fillim të këtij viti, të dy vendosën të njoftojnë ndarjen e tyre dhe vendosën të anulojnë fejesën pasi hasën një pengesë në lidhjen e tyre katërvjeçare.