Pak kohë më parë bëri bujë deklarata e motrës së Georgina Rodriguez, e cila akuzonte këtë të fundit se nuk e ndihmonte për gjendjen e saj të vështirë ekonomike, ndërkohë që Georgina bën një jetë luksi.
Tani edhe xhaxhai i milioneres ka dalë kundër saj.
Georgina këmbëngul se nuk do ta harrojë kurrë familjen nga erdhi përpara “jetës së ëndrrave”, por xhaxhai i vet pohon të kundërtën.
Jesus Hernandez ka treguar se e rriti Georginën pasi babai i saj u burgos për një komplot kontrabande droge.
“Ajo mund të ndihet e turpëruar për ne dhe të konsiderojë se është më e mirë se ne, sepse ne nuk jetojmë me luksin e saj. Nuk i kam kërkuar kurrë asgjë. Ajo më ka telefonuar vetëm një ose dy herë që kur mora vesh se po dilte me Ronaldon. I kam shkruar Cristiano Ronaldos në Facebook që ke gruan më të keqe në krah, nëse do të dish më shumë më kontakto dhe do të tregoj”, ka thënë xhaxhai duke akuzuar Georginën se nuk i flet pas lidhjes me Ronaldon
