Reperi, Besnik Canolli, i njohur për publikun me emrin e tij artistik 2po2 është një ndër reperët më të vjetër të gjeneratës shqiptare.
Karrierën e tij e ka filluar që në moshë të re, ndërsa albumi i tij i parë mban titullin “Nuk dorëzohem lehtë”.
Vitet e fundit, reperi nuk ka qenë aktiv me prurjet e reja në muzikë dhe mesa duket kësaj shkëputje duket se i erdhi fundi.
2po2 pritet të vijë në bashkëpunim me këngëtaren shqiptare, Arilena Ara, e që kjo këngë do të jetë pjesë e albumit të Arilenës i cili do të titullohet “Pop Art”.
Bashkëpunimi i tyre do të titullohet “Stafeta” dhe pritet të publikohet gjatë këtij muaji.
Kënga e fundit e Besnikut është e publikuar më 16 Mars të 2019-tës, e cila po ashtu ka qenë bashkëpunim me nipin e tij Capital T.
Pjesë e albumit të Arilenës do të jenë edhe emrat e tjerë të njohur si Noizy, Dafina Zeqiri, Gjon’s Tears.
