Olta Gixhari është një nga ish-banoret që ka spikatur më shumë këtë edicion të dytë të BBV.
Edhe pse ishte një nga konkurentet më të forta të shtëpisë dhe kandidate për të fituar, Olta hoqi dorë dhe e la përgjysëm rrugëtimin me dëshirën e saj, pasi nuk mund ta përballonte më mungesën dhe distancën me djalin e saj të vogël, Amarin.
Edhe pse Olta ka disa javë që është larguar nga BBV2, ende është në qendër të vëmendjes në rrjete sociale dhe shumë prej ndjekësve të saj vazhdojnë ta mbështesin ndodhta edhe më shumë pas daljes së saj.
Së fundmi pas shumë kërkesave të tyre, Olta u ka bërë një premtim publik mbështetësve të saj në rrjetet sociale, ku është shprehur se shumë shpejt do të bëj një video live për ta.
“Ju premtoj qe shume shpejt do bej nje video live per ju“, shkruan aktorja.
