Ishte një mbrëmje e rëndësishme ajo e djeshmja për Sara Hoxhën, e cila kishte debutimin e saj në spektaklin e kërcimit, “Dancing With the Stars”, por edhe debutimin për herë të parë në një skenë të tillë të rëndësishme televizive.
Performanca e saj në program shkoi shumë mirë, të paktën këtë la të kuptohej vetë blogerja por po ashtu edhe pikët e jurisë, ndërsa pati edhe disa “tifozë” specialë në publikun e spektaklit, po flasim për familjen e partnerit të saj, Ledri Vulës.
E ndërsa familjarët e tij u emocionuan po aq sa vetë Sara për këtë ngjarje të rëndësishme të karrierës së saj, Ledri nuk ishte i pranishëm pranë saj në shfaqje, të paktën fizikisht, gjë që ka “merakosur” mediat rozë dhe njerëzit në rrjetet sociale.
Mungesa e tij u komentua, e ditën e sotme Sara është detyruar të reagojë për këtë.
Kështu, me anë të një video-je në Instagram, ku fillimisht falenderon të gjithë personat që e kanë mbështetur dhe që i kanë shkruar, Sara zbulon se reperi ka qenë në fakt në Tiranë pranë saj, por jo në spektakël pasi ajo vetë i ka kërkuar të mos vijë.
“Faleminderit të gjithë atyre njerëzve që kanë treguar shumë suport dje që unë nuk e prisja fare, i kam lexuar të gjitha mesazhet tuaja dhe sugjerimet që më keni dhënë. Edhe për ata që janë bërë shumë merak që nuk ishte Ledri në live-show, nuk ka qenë sepse s’kam dashur unë. Se unë dje kam pasur aq shumë emocione saqë ju nuk e merrni dot me mend. Kam qenë gati duke më pushuar zemra. Ledri ishte në Tiranë dhe siç thashë nuk erdhi sepse kisha shumë emocione, nuk kisha më ku ti çoja emocione dhe nuk kisha nevojë më për emocione më shumë ndaj e lamë që të vijë në një moment tjetër”,- tha influencerja në video-t e saj.