Efi ishte një nga mikeshat dhe përkrahëset e Luizit, mirëpo rikthimi i saj në shtëpinë e “Big Brother VIP” duket se nuk u prit shumë mirë nga këngëtari.
Në momentin që u vu në dijeni se vetëm një nga të rikthyerit do të mund të prekte finalen, Luizi filloi strategjitë e tij.
Ai planifikoi me Qetsorin të godiste Bledin e të linte mënjanë Efin dhe Ronaldon, për të marrë vetëm Kiarën në finale.
Kjo gjë është kuptuar tashmë nga Efi. Gjatë një darke me Kristin, Bledin dhe Gertin, ajo u shpreh se Luizi po përpiqet mos të krijojë shumë afrimitet me të.
“Kur mori vesh që vetëm 1 shkon në finale, nuk i interesova më unë“- u shpreh Efi ndër të tjera.
Nga ana tjetër, në komentet për Luizin ka ndodhur një ndryshim drastik.
Nga lëvdatat e shumta për këngëtarin, tashmë komentet negative janë ato që mbizotërojnë. Shumica e ndjekësve janë të pakënaqur nga mosmirnjohja ndaj Efit, e sipas tyre Luizi po sillet si arrogant.
