Klanifornia fillon shumë shpejt dhe shumë nga pyetjet që të gjithë i kemi patur na ka dhënë producenti i spektaklit, Turjan Hyska.
Pyetjes më të famshme: “Kush do ta drejtojë Klanifornia në sezonin e ri”?
Turi na e zbuloi njëherë e mirë se prezantuese e sezonit të ri do të jetë sërish Marina! Kjo pyetje ishte aq e shpeshtë pasi moderatorja e famshme tanimë është në pritje të ëmbël dhe po përjeton momentet më të bukura të jetës së saj.
Turjani zbuloi edhe datën se kur kthehet Marina në ekran bashkë me sezonin e ri të spektaklit të humorit e që është 11 shtatori. Mirëpo ky sezon nuk mund të mos kishte surpriza dhe do pjesë të kastit do jenë edhe dy aktore mjaft të pëlqyera.
Bëhet fjalë për Cubi Metkaj, e cila prej kohësh ka qenë pjesë e skuadrës, por nuk ishte sezonin e kaluar.
Ndërsa “blerja” më e re është Rudina Dembacaj dhe këtë e zbuloi sërish Hyska në Instagramin e tij.
“Pse vetëm Rama të ketë shumë femra në staf. Hyrje e re”, shkroi ai krahas fotos ku shihet aktorja.
Epo tani mezi presim t’i shohim në ekran!
/afterparty.al/