Moderatorja Elita Rudi dhe reperi Gjiko janë një prej çifteve më ‘cool’ të showbizz-it shqiptar e sigurisht edhe më ‘funny’.
Së fundmi, për kanalin në YouTube të Elitës, ata kanë realizuar një nga sfidat më virale në rrjet, “Husband does my makeup”. Elita ia besoi grimin Gjikos për një video, por rezultati merret me mend, duke qenë se reperi nuk ia ka fare idenë.
E nis grimin me bronzer, bën një penel që e quan “La Musteche”, zgjedh tone të errëta për sytë, dhe sigurisht buzë të kuqe. Kaq mjafton për të kuptuar rezultatin. Në fund “Asdren Da Vinci” siç e quan Elita, edhe nënshkruan në fytyrën e saj.
Megjithatë, videoja shoqërohet me shumë të qeshura e batuta, ndaj nuk duhet humbur.
Ndërkohë, ju mos e provoni në shtëpi! Oseee… edhe po, nëse doni të qeshni po aq shumë sa Gjiko e Elita!
